නටන ලේ…

සිංහ ලේ කිය කියා උඩ පනින එවුන්
පච්ච කොටන් ස්ටිකර් ගහන එවුන්
FB එකේ වචන හරඹ කරන එවුන්
යුද්ධෙට නැති කඩුවෙන් කොස් කොටයි එවුන්

පුංචි පවුල රත්තරං කිව් අපේ එවුන්
එකෙක් හදන් ඉතිරිය සරමේ පිහ දාපු එවුන්
සිංහලයා වඳ වෙනකොට හුල්ලන අපේ එවුන්
අහක යන නයි ඇඟේ දාං නටයි දැං අපේ එවුන්

ඉතිහාසයේ පොඩි පොඩි වැරදි අැත‍ේ
වැඩිය පමා වෙන්නට පෙර මගේ පුතේ
ඒවා නිවැරදි නොකළොත් මගේ හිතේ
සිංහල ජාතිය වඳ වේලා යතේ

මගේ රට මගේ දැය මගේ ආගම
රකින එකයි මගේ පරම යුතුකම
දිවි පරදුවට තියන එකේ වටිනාකම
ජාතිය වඳ විය යුතුයි තේරෙන්නම

සමාවෙයන් මට….

දහසක් බුදුන් බුදු වන හිමිදිරි උදෑසන
පිච්ච මල් සුවඳක් දැනේ දස දෙස හමා යන
ඇඟ මැලි කඩා ගුලි වුන මුත් පොරෝණෙට
උඹේ උණුහුම තරම් දෙයක් කොයිද මට…

විරසක වෙලා තව දවසක් ගෙවී ගියා
දවසක් මුත් කල්පයක් මෙන් දැනුණු නියා
වෙන මලකින් රොන් ගත්තේ මමම නිසා
ආවේ ළඟට සමාවෙයන් කියනු නියා….

අරුමැක්කේ මම දැක්කේ උඹේ නංගා
සිත අස්සේ මම සිටියේ ලොභ හංගා
නාඹර සිතේ තිබු ලොල විසිරුණු හංන්දා
සිරියහනේ වෙර බින්ඳේ ඇය හිංදා …..

කරකාරෙට ගිය දා නුඹ මගේ දෙවැනි මවයි
දුක සැප එකට විඳගත්තේ අපි එකකු නිසයි
යලි සංසාරයේ එකතු වන්නට මගේ පැතුම එයයි
දහස් වරක් සමාවෙයන් මම තවමත් උඹේම තමයි….
෴අනුවා෴

තනියවල්ලභ දෙවිදුන්…..

පළමුව පසඟ පිහිටුවා වැන්දා
බුද්ධං සරණේ සරණයි
දෙවනුව දොහොත් මුදුන් දී වැන්දා
ධම්මං සරණේ සරණයි
තෙවනුව හදවතින්ම වැන්දා
සංඟං සරණේ සරණයි
මේ තුන් සරණේ බලයෙන්
සියළු අපල දුරු වෙන්නයි…..

තනිවැල්ලේ වැව අයිනේ
සිසිල් සුළං හමන්නේ
ගුණ තෙද බල ඇති බෝ සමිදුන්
අඹර පුරා වැඩෙන්නේ
වැව අයිනේ නුග සෙවනේ
අපි හැමෝම වැඳ ඉන්නේ
තනියවල්ලභ දෙවිදුන්
වජිරාසනේ තේජෝ බල පතුරන්නේ…..

මාදම්පා පුරවරයේ
පෙර කාලේ රජ වන්නේ
දස රජ දහමින්
ජනතාවට සෙත දෙන්නේ
කෙම්මුර දවසට සුදු අසු පිට
අහසින් යන්නේ
පුරවරයේ සියළු දෙනා හට
සෙත් ශාන්තිය සළසන්නේ…

මුඛවාඩම් බැඳ පේ වන්නේ
උදෑසන ලිප මොලවන්නේ
පස් ගෝ රස සමගින්නේ
මුරතැන් බත සැකසෙන්නේ

කපු මහතානණි මේ අහන්න
දෙවියන් හට බාර හාර වෙන්න
ඒ බාරය ඔප්පු කරන්න
අප හට තරහා අවසර ඔන්න

෴අනුවා෴

අභිනික්මන…..

පෙර සසරේ බැදි ප්‍රේමය සිහි වන්නේ
සුන්දර රූ සපුවට මන මත් වන්නේ
යශෝධරාවන් අද සුව නින්දේ
මා නැති කළ වියෝ දුක් නොම වන්නේ

සතර වරිගයට දස්කම් පෙන්වාලා
මා පිය ආශිර්වාදය යහමින් ලබාලා
සහේට ගත්තේ පැතුමන් පතාලා
ඒ පැතුමන් අද යයි දිය වීලා

පින්බර රාහුලයන් මව් තුරුලේ
කුටිය පුරා කිරි සුවදයි පැතිරෙන්නේ
අද දින පටන් පිය සේනහස නැති වෙන්නේ
දහස් වරක් මට සමා වෙයන් පුතුණුවනේ

සුරතල් සිනහා මුවගට නගාලා
මව් පිය මෙන් රුසිරු පාලා
අද ඉන්නවා කිසිවක් නොදැනීලා
මා යන මාවතේ එණු මැන ලොකු වීලා

තරු මඩලට පෑ පුන් සද වැන්නේ
තුන් ලොවටම සක්විති රජ වන්නේ
ඒ හැම දේ බොරු කර ලමින්නේ
නෙරන්ජනා තෙරින් එතෙරට වන්නේ..